A festa máis tola e orixinal do mundo mundial
	O San Queremos naceu no ano 1999 froito de unha idea que xa nos rondaba pola cachola dende facía moito tempo, a nosa intención era a de facer unha romaría diferente, amena e divertida que se saira da típica festa de ir a misa, pasarse toda a tarde sentados nunha mesa e verbena nocturna. Intentouse recuperar un estilo de festa máis propio de tempos pasados. Queríamos asimesmo demostralle o a xente da parroquia que non era preciso facer un gran desembolso económico para facer unha festa na que pequenos e grandes o puideran pasar "pipa", así que ideamos unha serie de actividades (xogos, músicas varias, comida campestre, participación veciñal ... etc). Buscouse un sitio ideal para podelas levar a cabo, barallarmos múltiples opcións que ninguha convenceu ata que demos coa Zarra do Monte. Unha preciosa carballeira nos ofreceu de xeito desinteresado a familia da Casa do Monte (sempre agradecidos).
	Intentouse buscar unha data idonea para  a celebración, comenzamos facendoa en outubro pois aparte de que non había moitas datas libres o presuposto o principio non era moi alto que digamos e non podiamos facerlle competencia a outras festas do verán. Pouco a pouco esto foi medrando e para favorecer a asistencia de xente fómola acercando cara o verán, as datas ata o de agora foron as que seguen: O 2 de outubro no 99, o 16 de setembro no 2000.
	A partires deste ano xa foron todas en agosto, o 25 no 2001, 31 no 2002, o 23 en 2003, o 21 no 2004, 20 en 2005, 19 en 2006 e neste ano 2007 a data escollida e o 18.
	Agora xa só nos faltaba poñerlle nome, e aquí o grande dilema, despois de un arduo debate, Xosé Manuel (Nazario) dixo:
	- ¡¡¡ San Queremos !!! - ¿Por qué? -  ¿Que e o que queremos? -  Festa !!! -  Pois eso, "SAN QUEREMOS".
	Así que xa o tíñamos todo e esto púxose en marcha.
	O longo de todos estes anos non paramos de espremer o cerebro intentando buscar novas actividades que fixeran atractivo o festexo.
	O primeiro ano dentro dos xogos ocurríusenos o Campionato de Arrebolamento de Sacho, o Torneo de Futbolín e o Lanzamento de Alpaca, que foi efímero pois só se fixo ese ano, o xogo consistía en que o concursante debía botar o máis lonxe posible unha bala de herba seca previamente plastificada para que esta non se desfixese  no primeiro lanzamento, o gañador foi Pablo Adán Seoane (Pablo de Rapela) da aldea de Pedrosa (Vilantime).
	O lanzamento de alpaca desbotouse pois parecíanos moi similar ao Arrebolamento de Sacho.
	Ese primeiro ano gastamos 8000 ptas en pólvora e contamos coa actuación da charanga Os Amigos de Visantoña que tocou todo o día por 65.000 ptas das de antes, algo impensable hoxe en día.
	Non dudes en escribirnos, a nosa dirección e: vilantime@mixmail.com