Por casualidade un de nos veu no programa da TVG (Televisión de Galicia) o matinal A Revista no que apareceron varias conexións en directo co campo da festa de San Miguel de Sarandón e polo que se vía na TV parecía que aquelo non tiña tan mala pinta como a chuviosa noite podía haber presaxiado.

Pero a pesar da medianamente apacible mañán que se nos presentaba, tan so 3 "valentes" nos animamos a ir, había que verlle a parte positiva a cousa, menos xente, máis viño para cada un, equivocámosnos pois foi o ano que máis rápido se acabou o elemento esencial de dita festa.

Por sorte non choveu nada en toda a tarde tan so veu un chaparrón de sarabia de tan so dous minutos pero con uns pedrolos que nunca tal viramos, eso si a esas horas xa pouco importaba pois os corpos xa aturaban todo o que se lles botara enriba, o día seguinte soubemos que en Arzúa chovera cáseque toda a tarde, esto xa non e o primeiro ano que pasa. Parece ser que nesa zoa teñen un microclima tan bon que xustifica a calidade do viño alí producido.

Nada máis chegar atopámosnos de novo coa xa coñecida xente da nosa charanga favorita, a NBA (Non Bebemos Auga) que nos fixeron bailar un ano máis coma posesos.

Na foto 1 Souto e compaña, unha xente de Touro cos que tódolos anos compartimos uns bos grolos, este ano traían unhas rosquilla que estaban de vicio disque feitas por Carlos Aymérich, ex-diputado no congreso polo BNG e que sempre os acompaña a festa do viño da Ulla.

Xogos populares, na foto 2 uns que se puxeron a saltar a comba, en un intre a cola para participar fíxose moi longa. Deporte nacional, fútbol (foto 3) nunca falta, todo ia ben ata que á dichosa pelotiña se lle deu por quedarse na cima dun carballo, un tipo con unha chea importante déuselle por subir a buscala, menos mal que esta caeu cando o paisano ia polo medio da árbore pois se sube un pouco máis o batacazo que se ía a pegar sería de impresión.

Chourizos a brasa (foto 4) estaban moi bos, eso si: 3 chourizos 6 euros, chourizos moi raros por certo, xa que para ser 3 tan so atopamos 4 puntas, a nos xa non nos abultaban moito no prato así que rifi-rafe co camareiro que finalmente non foi a mais. A certas horas xa empezaba a sobrar o xersei (foto 5).

As actuacións musicáis foron do máis variado, durante todo o día actuaron: Banda de Música de Ordes, grupo Aloumiños (Sarandón), a xa mencionada charanga NBA, Banda de Gaitas de Barbude (A Estrada) na foto 6 e a Asociación Raiolo de San Xián de Sales.

Pola tardiña pequeno festival folk co grupo de música tradicional Liño do Cuco de A Estrada (foto 7) e os Requinteiros do Ulla (fotos 8 e 9), a orquestra Limón púxolle fin a tan completa xornada de viño a esgalla e carallada permanente.